श्रीरामपूर (शौकतभाई शेख) : श्रीरामपूर विभागाचे उपविभागीय अधिकारी अनिल पवार यांच्या वाढदिवसानिमित्त तालुक्यातील वळदगांव-उंबरगाव येथील जागृत देवस्थान काळभैरवनाथ मंदिर परिसरात वृक्षरोपण करण्यात आले. श्री.पवार यांनी काळभैरवनाथांचे दर्शन घेऊन आशिर्वाद घेतले.
याप्रसंगी वळदगांव-उंबरगाव ग्रामस्थांच्यावतीने श्री.पवार यांचा शाल व श्रीफळ देऊन सत्कार करण्यात आला. यावेळी तहसीलदार प्रशांत पाटील, अशोक साखर कारखान्याचे संचालक हिम्मतराव धुमाळ, पोलिस पाटील शिवाजी भोसले, ट्रस्टचे अध्यक्ष बाबासाहेब कोळसे, विलास जाधव, सरपंच किशोर कांडेकर, विराज भोसले उंबरगाव सोसायटीचे चेअरमन रवींद्र झरेकर, दिपक झरेकर, राजेंद्र ओहोळ, नायब तहसीलदार राजवाळ, मंडल अधिकारी मंडलिक, कदम, कामगार तलाठी अशोक थोरात, अॅड्.सौ.लिप्टे आदि मान्यवर उपस्थित होते.
