५७ मुस्लिम राष्ट्रांचे देखील समर्थन
इस्त्राईलला गंभीर इशाऱ्यात सोडले फर्मान
इस्त्राईल - हमास युद्ध आणखी चिघळणार
हमासने इस्त्राईलवर अचानक तब्बल ५ हजार रॉकेटचा मारा करत त्यावर इस्त्राईल सिमेच्या कुंपणास बुलडोझरद्वारे उध्वस्त करुन तथा आकाशी मार्गातून देखील पॅरा.माध्यमातून अनेक शस्त्रधारी लडाके इस्त्राईलमध्ये घुसवत मोठे विध्वंसक परिस्थिती निर्माण केली,यात इस्त्राईलमध्ये मोठ्या प्रमाणात जीवीत आणी आर्थिक हानी झाली.आजवर इस्त्राईलला इतक्या मोठ्या प्रमाणात कधीच नुकसान सहन करणे भाग पडले नव्हते.
हमासच्या या आगळीकीमुळे इस्त्राईलने गाझा पट्टीत तीव्र हल्लाबोल केला आहे. गाझाची सर्वच बाजूंनी नाकाबंदी केली आहे. गाझातील अनेक इमारतींवर हल्ले करण्यात आले आहे. त्यामुळे अरब देशांनी पॅलेस्टाईनच्या बाजूने हुंकार भरला आहे. त्यांनी इस्त्राईलविरोधात एक फर्मान काढले आहे. त्यामुळे हे युद्ध भडकण्याची शक्यता वर्तविण्यात येत आहे.
नवी दिल्ली :
हमास या संघटनेने ६ ऑक्टोबर रोजी इस्त्राईलवर अचानक हल्ला चढवला होता. चवताळलेल्या इस्त्राईलने प्रतिहल्ले वाढवले. त्यात गाझा पट्टीतील अनेक इमारती जमीनदोस्त झाल्या आहेत. या युद्धात दोन्ही बाजूची मोठी जीवितहानी आणि संपत्तीचे नुकसान झाले आहे. आता अरब राष्ट्रांनी या युद्धात दखल देण्यास सुरुवात केली आहे. २२ अरब राष्ट्रांनी (अरब गल्फ नेशन्स) इस्त्राईलविरोधात मोर्चा उघडला आहे. इस्त्राईलने गाझा पट्टीची नाकाबंदी केल्याने आखाती देशांनी इस्त्राईलची निंदा केली आहे. त्यांनी इस्त्राईलविरोधात हे फर्मान काढले आहे. त्यामुळे हे युद्ध लवकर संपण्याची चिन्हे दिसत नाहीत.
इस्त्राईलचे हल्ले सुरुच
गाझा पट्टीचा संपूर्ण नाकाबंदी करण्यात आली आहे. वीज-पाणी बंद करण्यात आले आहे. त्यामुळे पॅलेस्टाईनच्या शहरात परिस्थिती बिघडली आहे. इस्त्राईलने क्षेपणास्त्र हल्ले वाढवले आहे. त्यामुळे अनेक इमारती जमीनदोस्त झाल्या आहे. इस्त्राईलच्या एअरस्ट्राईकचा मोठा परिणाम दिसून येत आहे. यामध्ये महिला-मुलांना प्राण गमावावे लागले.
इस्त्राईल-हमास युद्धात या नवीन शस्त्राचा वापर, मिसाईल, ड्रोनपेक्षा पण आहे घातक
गाझा पट्टीत मृत्यूचे तांडव
इजिप्तमधील काहिरा येथे अरब राष्ट्रांच्या परराष्ट्र मंत्र्यांची बैठक पार पडली. यामध्ये हमास-इस्त्राईल युद्धावर चर्चा झाली. या संघटनेने गाझा पट्टीची दमकोंडी थांबविण्याची मागणी केली आहे. या गरीब आणि दाट लोकवस्तीला तातडीने पायाभूत सुविधा पुरविण्याचे फर्मान सोडले आहे. इस्त्राईलच्या घेराबंदीविरोधात अरब राष्ट्रांनी आवाज उठवला आहे. इस्त्राईलच्या सातत्याने होणाऱ्या हल्ल्यामुळे गाझा पट्टीत मृत्यूचे तांडव सुरु असल्याचा आरोप त्यांनी केला. अरब लीगचे महासचिव अहमद अबुल घेईत यांनी इस्त्राईलवर डोळे वटारले आहेत.
पॅलेस्टाईनला स्वतंत्र देशाचा
दर्जा देण्याची मागणी
अरब लीगमध्ये सौदी अरब, इजिप्त, इराक, जॉर्डन, कुवेत, लेबनॉन, लिबिया, मॉरिटानिया, मोरक्को, ओमान, पॅलेटस्टाईन, कतार, सोमालिया, सूडान, सिरिया, ट्यूनिशिया, संयुक्त अरब अमिरात, यमन, अल्जिरिया, बहरीन, कोमोरोस आणि जिबुती या राष्ट्रांचा समावेश आहे. त्यांनी पॅलेस्टाईनला स्वतंत्र राष्ट्राचा दर्जा देण्याची विनंती केली आहे.
५७ देशांच्या मुस्लीम संघटनेने पण हल्ल्याचा निषेद केला आहे. आता हे देश पॅलेस्टाईनच्या मागे उभे ठाकले आहे. त्यासाठी आर्थिक रसद पण पुरविण्यात येत आहे.त्यामुळे इस्त्राईल-हमासचे हे युद्ध लवकर संपण्याची चिन्हे नसल्याचे दिसून येत असून जग दोन विभागात विखुरले गेले असल्याचे बघावयास मिळते आहे.
